Telebista edo hozkailu bat erosten dugunean, bikain funtziona dezan, gidaliburu eta guzti ematen digute. Gizakiok, baina, gidalibururik gabe munduratzen gara. Zenbat aldiz ez ote dugun pentsatu gustura edukiko genukeela geure jokaerak azalduko lituzkeen gidaliburu bat. Hain justu, horixe izan da Juanjo Lertxundiren helburua, geure burua hobeto ezagutzeko baliagarri izango den tresna osatzea.