"Gogoan dut zenbat eskola izaten ziren garai batean txotxongiloak, dramatizazioak eta antzerkiak oso toki txikia zutenak, eta, aldi berean, zenbat maisu-maistra adoretsu izaten zen ikasgeletan eromen pixka bat sartu nahi zutenak baina horretarako bultzada txiki bat behar zutenak. Asko dira halaber erdi lotan daukaten sormena kanporatzeko baliabideak behar dituzten neska-mutil gazteak. Eta beste horrenbeste beren seme-alaben elikadura intelektualari, espiritualari eta artistikoari garrantzi handia ematen dioten aita-amak. Haientzat guztientzat da liburu hau."