Bixkorrak, bost haur eta txakur batek osatutako lagun kuadrilla bat da: Anna, Denis, Li, Mattin, Salim eta haien txakurra, Txuri. Taldekide bakoitzak jatorri ezberdin bat dauka eta desberdinak izan arren, primeran moldatzen dira eta oso ondo pasatzen dute elkarrekin. Bixkorrek irudimenarekin hegan egiteko gaitasun handia dute eta honi esker, abenturaz abentura ibiliko dira beti. Zatoz Bixkorrekin batera eta izan zaitez zu ere abentura zirraragarrien protagonista !
Bixkorrak jolasean ari dira parkeko urmaelaren inguruan. Bat-batean, eltxo batek zizta egin dio Txuriri. Une horretan, gogora etortzen zaio Amazonasko oihanari buruzko liburu batean ikusi zuen eltxo erraldoi bat. Orduan, Bixkorrak Amazonasko oihan gainean hegazkin batean hegaldatu direla imajinatzen hasten da. Halako batean, zarata arraro bat entzuten dute pilotuaren kabinan eta hark hegazkinetik jausgailuz salto egiteko agintzen die...