Bixkorrak, bost haur eta txakur batek osatutako lagun kuadrilla bat da: Anna, Denis, Li, Mattin, Salim eta haien txakurra, Txuri. Taldekide bakoitzak jatorri ezberdin bat dauka eta desberdinak izan arren, primeran moldatzen dira eta oso ondo pasatzen dute elkarrekin. Bixkorrek irudimenarekin hegan egiteko gaitasun handia dute eta honi esker, abenturaz abentura ibiliko dira beti. Zatoz Bixkorrekin batera eta izan zaitez zu ere abentura zirraragarrien protagonista !
Bixkorrak parkean urarekin jolasean ari direnean Mattinek uharte tropikal batean daudela imajinatzen du. Uhartean kokondoak, loroak eta tximinoak daude. Hondartzan igeriketan dabiltzala, olagarro batek Denisi hanka batetik heldu, eta ziztu bizian eramaten du berekin. Sare baten aurrean askatzen du eta Denisek, hura ikustean, Bixkorrei deitzen die berehala.Bertan behera utzitako sare bat izurde gaixo batzuen espetxe bihurtu da...