Ziklorako DVDa da, hau da, bai 3. mailako ikasleentzat bai 4. mailakoentzat. Horrela ikastaldea nolakoa den kontuan hartuta, irakaslearen esku geratuko da horietatik zein landu maila batean edo bestean. Egileak berak dioenez, bertsolaritza eta literatura unibertsala edo ipuin klasikoak uztartu nahian egindako lana da ; gaur egungo pentsaera guztiak errespetatuz, ipuin klasikoen bidez bertsolaritzara zubi bat egitea da asmo bakarra. Helburua, besteak beste, ahozkotasuna lantzea da. Horrela, ikasleek bai ikusi eta entzun bai karaokea ere egiteko aukerak izango dituzte. Ikasteko eta ondo pasatzeko ikasmateriala da.