Errejenta lanak egingo dituen Beñat Axiariren nahikari batengatik sortua da Gerezien Denbora, Zuberoatik kanpo eraikitako lehenbiziko pastorala. Hiri pastorala esan diote bere sortzaileek, baita pastoral post-industriala ere, baina nago adjektiboa zehatzagoa litzatekeela “post” aurrizkia gabe. Ez zaitzala nahasi izenak iradokitzen duen naturarekiko loturak; Gerezien Denbora fabrika batean gertatzen den istorioa da, eta bertako langileen borroka du ardatz. Edo ardatzetako bat bederen.