Artikulu honetan, Lasarte-Orian eginiko epe luzeko ikerketa baten berri ematen da. Ikerketak abiapuntua du 1992. urtean Joxe Mari Iraola soziologoak zuzendutako lanean, ondoren 2002tik 2012ra bitartean bigarren partearekin osatu da. Lanaren emaitzaren bitartez hizkuntza jokaeretan familien eta gazteen arteko harremanean joera nagusiak zein diren aztertzen da. Etxeak eta eskolak euskararen sozializazioan duten harreman desberdinak baina konparagarriak aztertuko dira artikuluan. Azken finean, belaunez belauneko hizkuntzaren transmisioak hizkuntza normalizazioarako duen berebiziko garrantziaz ohartarazi nahi da.