Argitaratu, argitaratzen dira euskarazko komiki liburu batzuk, eta estilo eta gai aldetik askotarikoa da eskaintzen dena. Egonkortasunik ez dago, ordea. Egileek apustu bat egin dezatela eskatzen diete argitaletxeei, eta haiek erantzuten dute produktua garestia dela eta ez duela merkaturik, gainera. Arazoa kulturala da, dena dela, dendetan, oraindik ere, haurren txokoan paratzen dituzte-eta liburuak gehienetan.