Xiberoan, laborantxaren egoera gogoetatzen ari den bitartean, Kanaldudek hiru emazteen lekukotasunak bildu ditu. 20 urte hauetan aita eta osabaren etxaldearen segida hartu du Muskildiko Maddi Gaztellussarryk. Ardi esnadun eta behi gorriekin ari da, bortua ainitz baliatuz. Elgarrekin lanean aritzeari emaiten dio lehentasuna Maddik. Funtsean, Azkorria kooperatibaren sortzaile eta eramaile da gaurregun Maddi. Marie Pierre Baudéant aldiz anaiarekin plantatua da Urdinarben. Ardi esnadun eta behi gorrien ondoan 500bat erletxe dituzte. Astean zehar, bi egunez langile bat hartzen dute. Ekoizpen aniztasuna etxaldean, merkatuak eztiarentzat, lanaren antolaketa aipatu dauzku Marie Pierrek, bere pozik haundiena litzateke bere semea ikustea etxaldearen segida hartzen. Aloze-Alzabeheitiko Sylvie Bassaber-Bengoecheak ixtripuz zendu zen anaiaren etxaldearen segida hartu zuen duela hiru urte, bere amarekin GAEC bat eginez. Mendi eskualdeko laborantxa aipatu dugu Sylvie-rekin. Ardi gasna egiten dute,behi batzu ere badituzte eta akanpaleku bat. Honi esker, gasnak etxaldetik beretik saltzen dituzte. Sylvie-ren ametsa, geroan ere auzo laborariak ukaitea...