Jose Ignazio Telletxea Idigoras (J. I. Tellechea Idigoras) hil da, Euskal Herriak garai guztietan izan dituen hiruzpalau historialari oparoenetako bat. Galera handia, inondik ere, baina irabazi paregabea bere bizialditik utzi digun uzta.
Hitz gutxitan laburtzeko: donostiarra, apaiza, historialaria, gipuzkoarra eta unibertsala izan da Jose Ignazio, gure artean maitatu eta ezagutua, eta mundu zabalean historiako zenbait alorretan aipu ezin saihestua.