1800eko uztailean gaude. Bederatzi urte dira Mozart hil zela Vienan, hogeita hamabost urterekin. Beethoven dabil orain, an­tzeko lanetan, hogeita hamar urte bete berri. Jane Austen Bathen bizi da, aita hara erretiratu delako; hogeita bost urte ditu eta bizitza paralelo bat sortzea erabaki du, idatziz. Urtebete barru bueltatuko da Wilhelm Humboldt Euskal Herrira, hogeita hamalau urterekin, euskaraz berba egiten, Pablo Astarloaren ideiek eta Juan Antonio Mogelen lanek liluratuta. Bizenta Mogel eta Elgezabalek hamazortzi urte ditu eta liburu bat osatu du osabak bizkaiera itzulita zeuzkan ipuin on edo alegiekin; oraindik ez daki neska idazle nerabe bat denik.