―Festa bat prestatuko dut bihar ―xuxurlatu zuen Untxik―. ―Ez esan inori; ustekabea izatea nahi dut. ―Untxi siestan geratuko da bihar ―xuxurlatu zuen Hontzak―. ―Baina ez esan inori; ustebake bat omen da… “Ustekabeko festa” kontakizun metagarria eta kateatua da, pertsonaia nagusi batetik abiatuta beste eragile batzuk gehituz doana, harik eta, une jakin batean, ordena alderantzizkatu eta istorioaren hasierara itzultzen den arte, pertsonaia guztiak bilduz. Untxi eta Igel, Hontza, Katagorri, Ahate, Sagu eta Azeri, aurre-irakurleentzako eta lehen irakurleentzako album hau ―zurrumurruaren edo ‘hondatutako telefonoaren’ jolasa gogora ekartzen duena― bere umoreagatik eta komunitate bateko kideen arteko harremana naturaltasunez kontatzeagatik nabarmentzen da. Hala, konfidentzia bat ageriko sekretu bihurtzen da, eta gaizki-ulertu harrigarri sorta eragiten du, amaiera zoriontsura iritsi arte.