Camboya ertzain jubilatua Arkauten ikasle izan zuen Gaztelurekin urtebetetzea ospatzen ari da. Bien urtebetetzea, biak egun berean jaioak baitira, lau urteko tartearekin; abuztuaren 6an, 1945ean Hiroshiman bonba jaurti zuten horrexetan hain zuen. Ospakizuna itsasoan egitea deliberatu dute, Camboya-ren Amets Bi ontzian, hegaluzeak arrantzatu egiten dituzten bitartean. Horretan ari direla, Barne Kontseilari ohiaren txaleta zaintzeko zeuden hiru artzain alemanen desagerketa ikertzeko laguntza eskatuko diote ertzain jubilatuari, zenbait urte lehenago Bizkaia aldean izan zen zakur-borroka apustuen kasua argitu zuenez gero.Zakurren desagerketa ikertu ahala, mamu zaharrak agertuko zazkio Camboya-ri; garai latzetan hartutako erabakien damuek habia egingo dute ertzain zaharraren gogoan. Bermeoko tostartekoen kontrako jazarraldiak, terrorismoaz akusaturikoen kontrako torturak, Gernikako pisu batean ETAko militante baten heriotzarekin amaituko den segada… egindako estolda-lanek oraina hankaz gora jartzera etorriko dira. Edorta Jimenezen eleberri beltz honetan protagonista ezberdinen istorioak txirikordatzen joango dira, eta haiekin batera tortura, ustelkeria, biolentzia, sexua, damua eta maitasuna, azkenean haien iragana eta patua guztiz nahastu arte.