Esku-liburua irakasleen lan-tresna nagusi, hezkuntzaren aktore, eta aldi berean ikerketa-objektu da. Programetan argiki ikus daitekeen bezala, azken urteetan hizkuntzen irakaskuntzan ahozko hizkuntzaren garrantzia aitzinean emana izan da. Euskarazko esku-liburuen aztertzeak Euskara eskolako irakasgaia den diziplinari buruz informazio anitz ematen ditu. Artikulu honetan aipatuko dugu ahozko euskararen tokia zein den Kolegioko ikastresna euskarazko ikasmaterialean, bereziki aztertuz programa ofizialen norabideak nola kontuan hartuak diren eta hizkuntza zein ikuspegitatik landua den. Dakigun bezala, euskararen didaktikan ahozko hizkuntzaren didaktikak leku berezia du.