Literaturaren bideak ugariak dira, paperezkoak gehienak : liburuak, aldizkariak... Gero eta ugariagoak dira, ordea, bide elektronikoak. Bazka aldizkaria, esate baterako. Paperean sortua 1999an, bigarren zenbakirako desagertu zen, banaketa arazoak medio. Aurten ikusi du berriro argia, pantailakoa alegia, orain aldizkari elektronikoa baita: literaturaren inguruko artikuluak, esanak eta datuak aurki daitezke www.bazka.info helbidean. "Informaziorako, azterketarako eta gogoetarako sortu dugu", azaldu digu Gorka Arresek, Bazkako zuzendariak. Helburua, azpitituluan: "literaturaren soziologia baterako".