Irudika salatua izan zarela.
Irudika ez dakizula zer den apostasia, idolatria, heresia.
Irudika jauntxoaren dorrean zauzkatela preso Araitzen, Senperen, edo Urdazubin berdin.
Irudika torturatua izan zarela [Ziriak, ilintiak, lakioa]
Irudika inork ez dakiela Logroñoko presondegi sekretuetara zaramatzatela, edo Bordeleko gaztelura berdin.
Irudika epaitua izan zarela, konprenitzen ez duzun mintzairaz.
Irudika ziegak akabatu egin zaituela, edo tormentuak [Zaldikoa, onila, errota] edo sutzarrak berdin.
Irudika zure arrastoa ezabatu egin dela, edo are makurrago: Irudika zure hiltzaileek sorgintzat pasarazi zaituztela gaurdaino.
Sorgin gaizto, edo belagile jator berdin.
Irudika sugarren mendeak.
Irudika ez direla itzali