Ekialdera garamatza liburu honek, ametsezko mundu batera, irakurleari oso hurbilekoa eginen zaion istorio batekin. Testu bizia irudi txundigarriekin nahasten da haur gezurti, lapur eta bihurri baten ibilkerak kontatzeko. Usain, paisaia eta testurak sentituko ditugu Kuoiren bidaian goazela, ahozko ipuin tradizionalek duten kontaera bereziaren bidez. Fito Rodriguezek ahozko istorio tradizional hau idatzira ekarri du, eta Irrimarra bikote artistikoak irudi eder eta ñabarduraz beterikoekin jantzi du.