Irudimen handia duen neskatoa da Ruby, eta lagunak ere irudimen handikoak ditu. Gogoko dituen gauzak: mapak, ezkutuko kodeak eta hitz egitea. Bere esaera gustukoena: “Zergatik?”. Aita lan-bidaian da gaur. Bost altxor bilatzeko eskatu dio Rubyri, baina ez dio arrastorik utzi! Ruby neskato trebea da, eta badaki arazo handiak, kasu gehienetan, bata bestearen ondoan pilatutako arazo txikiak baino ez direla. Lan-mahaiaren azpian sartu da pistak bilatzeko, eta zimurtutako lau paper-puska aurkitu ditu. Edonorentzat zakarra baino ez lirateke izango; Rubyrentzat, ordea, pistak dira. Kode sekretu bat balitz bezala. Altxorraren bila has daiteke!