Bidean liburua kaleratu berri du Koldo Rabadan Izagirrek ARGIArekin. “Aurrera egin nahi duen irakaslearen dekalogoa” da eta ikasleekin izan dituen pasarteetatik abiatuta kontatzen du egun lanean ari den eskola eraldatzera eraman dituen pausoen oinarriak. Ikasleen onena ateratzera daraman ikuspegia kutsatzen die liburuak gurasoei eta irakasleei. Eta gonbidapen bat egiten: hasi. Aldaketak txikitik eta norberagandik hasten baitira.