Ramon Lazkano musikagilea da, horregatik, berak soinua inork entzun baino lehen idatzi eta irudikatu egiten du. Bizitza osoa eman du doinu artean. Piano eta konposizio ikasketak egin zituen Donostian, Francisco Escudero maisuarekin. Eta 18 urte zituela Parisera joan zen. Geroztik, 20 urte igaro dira. Denbora tarte horretan, leku askotako orkestra entzutetsuenek interpretatu dituzte bere lanak eta sari garrantzitsuak jaso ditu. 2007an, esate baterako, Frantziako Arte Ederren Akademiak Georges Bizet sari garrantzitsua eman zion. Hilean behin itzultzen da bere jaioterrira, Donostiara, Musikenen orkestazio-eskolak ematera.