"Txakur txuri arrunt baten itxura du Xolak, baina jakinduria handiko izakia da benetan. Haren joko-zelaia mundua da; edo, hobeto esanda, oihana. Zeren eta Xola ttikia beti dago prest bere lehoitasuna erakusteko edo basurdetan dabilen ehiztari-taldearen buruzagitza hartzeko. Gazta goxoak edo Grogo jaunak prestatutako patata frijitu gustagarriek burua makurraraziko ez baliote, lau haizetara zabalduta egongo litzateke bere heroitasunaren hotsa.