Ipuin-bilduma honek 2024ko Mikel Zarate haur literatura saria irabazi du. Hainbat ipuin laburrez osaturiko kontakizuna da, denetan Pello izeneko mutikoa da protagonista. Kontakizunetan hainbat gai agertzen dira, hala nola: eskola, familia, bullying-a, zahartzaroa eta beste, denetan nabarmentzen dira umorea eta samurtasuna.
Irakurtzeko nahiz entzuteko idatziak diruditen pasadizo hauei haur baten xalotasuna darie; eta tarteka bizitzaren gordintasuna ere erakusten dute, baina beti ezpainetan irribarre bat marraztuz.