Larrabetzun genuen adostuta hitzordua, astelehen eguerdirako, baina Totik bugainbileaz estalitako bere etxetzarreko kisketak ireki eta pare bat minutu behar izan zituen ateko mutil hura zertaz ari zitzaion jabetzeko. "A bai, noski", erran digu konbentzimendu handirik gabe. Legineneako atea zabaldu, eta erroak XVI. mendean barrena dituen loft batera pasarazi gaitu.