Amikuzeko Kitzikazank antzerki taldeak Hernanin eskaini zuen orain aste bi Loreak mendian, ondarkinak lurpean eta bideak gainean antzezlanaren azken emanaldia. Mattin Irigoienek idatzi eta zuzendutako lan honetan Beñat eta Unai Gaztelumendi bertsolariak izan zituzten bidelagun taldeko aktore gazteek eta, besteak beste, aldaketa klimatikoaren inguruko kezka helarazi zieten ikusleei umorez eta poesiaz zipriztindurik.