110 ate eta 110 atari. 110 aukera axeri dantzako sokamutilak ezkutatzeko eta agertzeko. Ehizakia oharkabean harrapatzeko hormako txuloetan sartu-irtenean dabilen zirauna bezala. 110, eta denak diferenteak. Haritz eta gaztain egurrezko Erdi Eroko atetzarrak zein altzairuzko errezelaz babestutakoak; azulejatu ederreko bebarruak gordetzen dituztenak nahiz pintura ezkatak zintzilik dituen ezkaratzen mugak. 110 sarrailatzulo ditu Hernaniko Kale Nagusiak.