Andonik ez du Ondarroara joan nahi. Aspertu egingo dela uste du. Ezin du susmatu, ordea, Ondarroan zer-nolako abenturak biziko dituen. Filmetan baizik ikusten ez diren piratak ezagutuko ditu, hezur eta mamizkoak. Eta piraten lagun egingo da.
Bere laguntalde berriarekin zirkua antolatuko du, sagar lapurretan ibiliko da, mamu beldurgarriengandik alde egin beharra izango du, lehenengoz itsasoratuko da... Konturatu orduko, Kutxi pirataren begikoa bilakatuko da...