Gure heroiaren aitak euskara ikastera, euskal dantza zein mendigoizale taldeetan parte hartzera, txistua jotzera behartu du txikitandik bere leinuko lehenengo euskaldun peto-petoa bihurtzeko asmoz. Hala ere, laster protagonistaren lagun berezi-berezi batek gaita bat oparitu eta Euskal Herrian inoiz egon den gaitajolerik onena bilakatzeari ekingo dio. Zoritxarrez, ez du bizirauteko gaitaren laguntzaz nahikoa izango. Hori dela eta, guztiz maltzurra eta handigura den lehengusu baten gidapean bizitza eta batez ere politikaren alderik ilunenak zein xelebreenak ezagutuko ditu.