Zaldi Eroaren marrazkiek, goizero irakurrita, egunari irribarre batekin ekiten laguntzen digute. Orri hauetan azken bi urteetan prentsan atera dituen komiki-tiren antologia topatuko du irakurleak: Gizon Jakintsuaren tolerantzia eta M'ongoloren zuhurtzia, The Organization-en gorabeherak su-etenaren atarian, bitartean eta ostean, Mitxelena XVI.aren entziklikak, Sebastian artzapezpikuaren trikornioa, Mieltxoren plastilina, Xaxaren siesta goxoak, Azken Antxoaren elkarrizketak...