Argazki iruzkinduen bidez gure orainen eta hemen berri garrazki emateko ahalegina, Leihatila Beltza honen bidez egin da lehendabizikoz gurean. Taperware kolektiboak ez ditu diagnostikorik zorrotz eta zehatzenak eta ondoriorik filosofikoenak bibliografia aberats eta gogoeta unibertsaletatik abiatuta atera, baizik bertatik bertara edukitzeagatik merezi adinako jaramonik egiten ez diegun xehetasun edo gertaera ustez esangura eta mami handirik gabekoetatik. Eskura duguna gutxiesteko nerabekeria gainditu eta argazkian finkatu du. Eta ondoren hitz eginarazi dio.