Abuztuan bageunden ere elur egiten zuen. Elur zuria, elur hotza, elurra bai, elurra. Guzti-guztiok irrifarre disdiratsu eta luzea geneukan, baita helduak ere. Goiz zoragarri horretan gure auzoko ume guztiok etxetik arineketan atera ginen harriturik ikusteko zelan malutaz maluta teilatu gorriak, kotxeak, mendi berdeak eta hondartza! Zuriz margozten ziren. Ipuin baten barruan geundela zirudien, bai, magikoa, sinestezina. Abuztua eta elur egiten zuen!