Lola neska jatorra da, eta bihotz onekoa. Zintzoa da, idealista, eskuzabala, langilea, lagun ona eta alaba hobea... Baina ezin du Virginia ikusi ere egin, guztiz kontrakoa delako : pija, berekoia, harroputza, besteak bere gustura erabiltzen trebea... Lolak zerbait nahi duen bakoitzean, Virginiak bere trikimailuak erabiltzen ditu, dena delako kentzeko. Horregatik, bi nesken arteko lehia itzela da, ia-ia... gerra gordina !