Hogeita zazpi urte bete berri dira Deustuko Unibertsitatean Euskal Filologian hasi nintzela. Oraintsu, urriaren hasiera honetan. Euskaldun berritzen ari nintzen ni artean. Fakultateko lehenengo eskola Euskal Testuak zen. Irakaslea, berriz, Gotzon Garate. Euskara hutsean hartzen nuen aurreneko klasea, ikara batean, noski. Hasierako beldurtxo hura patxada eta alaitasun bihurtu zen ordubeteren buruan.