Errealismo kritikoan koka dezakegun liburu ilustratu honetan, kontakizunaren bidez gaur egungo munduko zenbait tokitan bizi den egoera gordina azaleratzen da : diktaduren zapalketarena, hain zuzen. Egoera horren aurrean, protagonista erabat kritiko azalduko da eta bere konpromisoa hartuko du. Pedro bederatzi urteko mutila da baina konturatzen da egunero bera aitak irratia piztu eta bertako berriak arreta bereziarekin jarraitzen dituela jartzen. Egun batean, bere lagun baten aitaren atxilotze bortitzaren lekuko izatea suertatzen zaio. Eta guzti hau diktadura bortitz baten aurka egoteagatik gertatzen denez, diktaduraren aurkako jarrera horren arriskuaz azkar asko jabetuko da. Baina halako batean, eskolan militarren bisita izango dute. Hauek jakin nahi dute haurren gurasoek afal ondoren zer egiten duten etxean ; zertaz mintzatzen diren, norekin hitz egiten duten, bisitarik izaten duten... Idazlan bat eskatzen diete eta Pedrok zintzo betetzen du betebeharra : idazlan txukun horretan militarrei jakinarazten die bere familiakoak afaldu ostean egunero xakean aritzen direla.