Haurrek pertsona gisa tratatzeko eskubidea dutela. Aldarrikapen hori Françoise Dolto (1908-1988) psikoanalistaren izenari lotuta ageri ohi da. Urteak eman zituelako umeen barne mundua ulertu nahian. Ezagunagoa egin zelako ulertutakoa irrati eta liburu bidez zabaltzen hasi zenean.
Doltoren lana gogoeta gai da gaur ere. Unescok, esate baterako, haren lanaren inguruko jardunaldiak antolatu ditu. HAri buruzko biografia nagusia argitaratuko dute 2010ean ; haren lanaren aurkako liburuak argitaratu dira aurten bertan.
Eraginik izan al du Françoise Doltok irakaskuntzan ? Angeluko ikastolako zuzendari Alazne Petuyak baietz dio, eta batez ere 70eko hamarkadan trebatu ziren irakasleen lanaren bitartez sumatu dela hezkuntza sisteman. Karmen Urkola aholkulariakn berriz, erlatibizatu egin du eragin hori.
Françoise doltoren lanak isla asko ditu. Isla horietako bat aurki daiteke Marian Goienola psikomotrizistaren kontsultan.