Semaforo, auto-ilara eta aparkaleku eskasak direla eta, autoa
hartzea infernuaren pareko da askorentzat: hiriburuetan bizi direnentzat, batik bat. Hori dela eta, gure hirietan gero eta gehiago dira leku batetik bestera joateko bizikleta hartzen dutenak. Ekologikoa eta praktikoa da bizikleta, eta garraiobide egokia da. Halere, Europako iparraldeko herrialdeetan ez bezala, bizikletaren kultura deiturikoa sendotu gabe dago oraindik gure herrietan. Kalapie elkarteak bizikletaren erabileraren alde lan egiten du. Elkarteko kideen iritziz, bidegorrien sarea osatu gabe egotea eta trafiko ugaria dira hiriko txirrindularien oztopo nagusiak.