Javi Buces Sevillakoa da eta duela hiru urte hasi zen euskara ikasten, ???Euskadirekin maiteminduta dagoelako???. Aita euskalduna izanik, txikitatik etortzen zen Euskadira oporrak igarotzera. Historiako karrera Sevillan hasi zuen eta ikasketak bukatzeko bi urte gelditzen zitzaizkionean, Bilbora joatea erabaki zuen bertan lizentziatzeko asmoz. Hantxe hasi zen euskara ikasten. Orain, Aranzadi Zientzia Elkarteko liburutegian lan egiten du, Donostian. Euskaltegi batean dabilen arren, lagunek lagundu diote batik bat euskara lantzen. Bere hitzetan, oraindik asko gelditzen zaio ikasteke. Halere, 25 urteko sevillar honek agerian uzten du saiatzeak fruituak ematen dituela.