Duela hilabete batzuk Lourdes Fernandez donostiarrak maletak egin
zituen eta Madrilera abiatu zen Arco azokako zuzendari izatera. Familia Donostian du, hala ere, eta astebururo Euskadira itzultzen da. ???Nomada baten moduan bizitzea??? egokitu zaiola dio, baina astean zehar pentsatzeko denbora gutxi duela aitortzen du, ???lanean erabat murgilduta dagoelako???. DV galeriako zuzendari ohia, artistekin zuen harreman zuzen horren hutsunea sumatzen du orain. Halere, gustura dago Madrilen eta bere estreinako edizioan lortutako emaitza onek aurrera egiteko indarra ematen diote. Arco azokari eman nahi dion ukituaren inguruan galdetu diogunean, aurretik egindako lana eteteko asmorik ez duela argi utzi du. Baina merkatuaren konpetentziak bultzatuta, azokari nortasun bereizgarria eman nahi diotela eta hurrengo edizioan Hego Amerikak paper garrantzitsua jokatuko duela aurreratu digu, Brasil izango
baita herrialde gonbidatua Arco-2008an. Zuzena eta zehatza, Lourdes Fernandez itzulingururik gabe mintzatu zaigu.