Urtarrila asmo onen hilabetea dela diote, eta beraz, animo eta eutsi goiari. Gabonetan turroi gehiegi jan baduzu, garaiz zabiltza zure gorputzaren oreka berreskuratzeko. Arantza Ezkurdia dietalariaren kontsultara hurbildu gara. Zona-dieta zer den azaldu eta osasunarekin zerikusi handia duela esan digu. Donostian bizi da eta Barry Sears mediku ospetsuarekin elkarlanean aritu da, medikuak asmatu duen dieta gure ohiturei egokitzeko.