Plazarik plaza bertsotan, bertsogintzari buruzko liburuak idazten, komunikabideetan kolaboratzaile, kantarientzako letrak egiten edo kantuan laguntzen be bai. Hainbat arlo jorratu dauz Xabier Amurizak orain 67 urte Etxanon (Zornotzan) jaio zanetik, aspaldian Berrizen bizi bada be. Esperientzia asko pilatu dituan gizona da. Abade izan zan lehenengo, kartzelan egin ebazan hainbat urte, abadetza laga eta gerora bertsogintzaren aro modernoaren mugarria ipini eban, Euskal Herriko Txapelketa birritan irabazita. Baina orain idazten dihardu buru-belarri, idazle da bertsolari baino gehiago. ???Joan ziren??? izeneko zikloko bigarren liburua kaleratu dau ???Orain ezin naiz hil??? izenburupean, baina inprimatu eta liburu formatua emon beharrean, interneten eskegi dau www.amurizablogxabier.com helbidean.