Gizaki guztiok dugu ipuinak entzuteko beharrezina eta premia. Gizon-emakumeontzako urratsik garrantzitsuenetako bat ipuinak eta istorioak kontatzeko ahalmena izan da. Kontu kontari ari dena gizaki bihurtzen da, baita entzule dagoena ere. Horrexegatik, entzulegoaren bihotzean ere bizi dira ipuinok. Entzuleak arreta handiz gorde, entzun eta ikasi egiten ditu, ondoren behin eta berriz kontatzeko. Era horretan, ipuin kontalari bakoitzak, kontatzen dituen ipuinetan bere arrastoa uzten du, norberaren bertsioen egile izatera heltzen delarik.
Horra hor ipuinon azken helburua : entzun eta kontatu, entzun eta kontatu aritzea.