Komunismoaren erorketaren ondoren pentsa daiteke Gerra Hotzak ez duela zentzurik, eta hortaz badirudi espiak desagertu egingo direla. Alabaina, potentzia handiek bere boterea ziurtatu eta eragina zabaldu egin nahi dute, ahalik eta urrutiena, eta elkar zelatatzera eramango ditu horrek, ageriko bideetatik edo ezkutuetatik. Konbentzimendu ideologikoak baztertuta ere, ez da faltako diru truke lan zikin eta isil hori egingo duenik. Espia berri horietako bat dugu Kosme Zubia, bizitzako halabeharrak Moskura eraman duena, isilpeko operazio batean ipar amerikarren sekretu militarrez jabetzera. Ez daki oso ongi norentzat ari den lanean, eta ez dauka, gainera, inorekin fidatzerik, Moskuko giro nahasian dolarren dantzan baitabiltza ustezko lagunak eta balizko etsaiak.