Osaba Florentinok ahalmen miresgarriak ditu. Behin, esaterako, kaskarreko latz bat hartu eta medikuak bendak jarri zizkion buruan, turbante gisa. Eta osaba Florentino osaba Bin Floren bihurtu zen bat-batean. Bere turbante zuriarekin, Bagdadeko ipuin kontalari batek hiriko plazan nola, halaxe kontatzen ditu ipuinak osaba Bin Florenek ohetik mugitu gabe. Eta ipuin bati kateatuko dio beste bat eta hari beste bat, eta horrela Arabiar golkoan zehar bidaiatuko dugu historiaz historia, garai bateko kalifek atsegin zuten modu berean. Historia ederrak, jakina denez, kalifarentzat baitira, edo, haiek irakurriz, kalifa sentitzen direnentzat.