Haurrentzako poema sorta bat eskaintzen digu Antton Kazabonek liburu honetan, batzuk arinago, besteak sakonago, interesgarriak guztiak. Gai ugari lantzen du egileak: animaliak, erreka, ilargia, ametsak, irria eta abar luze bat. Hizkera aberatsa du, zorrotza batzuetan, leuna besteetan, eta pieza batzuk duten erritmoari esker egokiak dira haurrek buruz ikas ditzaten ere. Poema liburuetan dugun hutsunea kontuan hartuz, uste dugu ?Kilikolore??k bere ekarpentxoa egiten duela haur literaturako alor honetan.