Arrotza liburuak betidanik erakarri gaitu euskaldunok. Izenburuak berak harrapatzen gaitu, gure herrian askotan arrotzak sentitu izan garela gogora dakarkigulako. Hala ere, Albert Camus idazlea ez zen euskalduna. Beraz garbi dago arrotz sentimendua ez dela soil-soilik euskaldunon patuaren zatia. "Han eta hemen, txakurrak ere oin-hutsik..." esango du baten batek.
Agian, arrotz sentitzeko bi modu daude. Alde batetik, sentimendu fisikoa ; eta beste alde batetik, sentimendu animiko, izpiritual edo psikikoa (bide guztiak Erromara heltzen badira ere). Aberriak eragindakoa izango litzateke sentimendu fisikoa ; eta gainerako faktoreek eragindakoa, sentimendu animikoa.
Albert Camusen kasuan, esango nuke bi sentimendu horiek bat egin zutela.