Irri iri desberdina da. Berdinak direnak ere diferente dira. Haatik, Mattinen irri batek mila berdin eragiten zituen. Mattinen irriaren baitan zen gakoa. Mattinen baitan zen irriaren gakoa.
Iparraldeko ikastoletan bertsulariei buruzko jakingarriak ere irakasten dizkiegu haurrei. Fitesko diote kasu ematen Mattinek argazkian dagin irriari, zerbait bitxi balitz bezala.
Irriz hartu zorigaitza zorion bilakatzen dela jakin arren, irri egitea ahanzten ari zaigu. Alabaina, Miren, Sustrai, Xumai, Amets, Eneritz, Maindi, Mizel, Patxi, Gillen, Ekhi, Ihintza, Maddalen eta Maialen, Gorka, Kristiñe, Txomin... eta bertze anitzen ezpainetan irriñoak loratu dira. Horiei so, guk ere irri egiten ahal dugu.
Mattinen irriaren munduak eta bertsulari gaztetxoen munduaren irriak elkar hunkitzen dute liburuxka honetan. Ez da katebegirik ments. Erran gabe doa, liburuxka hau irriz irakurri behar da, bestenaz, ez da deus leitzen ahal.