Mitxelena jaunak Tolosan ikasten ari den bilobaren gutuna jaso berri du. Ondo ikasiak dizkio bilobak aitonari amuarrainaren arrantzarekikoak eta gutunean dioenez, larunbata noiz helduko zain dago aitonarekin errekan gora abiatu eta arrantzari ekiteko.
Baina Tolosako ikastetxean bada amuarranei buruz ezer ez dakienik. Bertako frailea -beltza !... beltza !...- amuarrainak nola bizi diren kontatzen hasi denean, bilobak kontra egin dio : zer ote daki, ba, fraileak, mutikoak baino gehiago amuarrainei buruz ?