Egunen aparra maitasunezko eleberri harrigarri bat da. Harrigarria batez ere azaltzen digun munduagatik, non nenufareak hiltzaile baitira eta saguak katuen solaskide, eta harrigarri halaber erabiltzen duen hizkeragatik, hitz jokoz eta are xelebrekeriaz beterik : liluragarri batzuk, txundigarri bestetzuk. Baina estiloaren berezitasunen azpian edo gainean, liburuan barrena murgiltzen den irakurleak maitasunezko nobela bat kausituko du, amodioaren dardara sentiaraziko diona, Colin, Chloé eta beste pertsonaiekin. Sentimenduen hunkimenarekin batera, existentzialisten garaikide zen Boris Vianek haien parodia barregarri bat ere egiten digu, bere fantasiazko munduan baino posible ez zen moduan.