Neskazale gazte baten balentriak izeneko nobelatxo hau Guillaume Apollinairerena ote den zalantzan dago oraindik ere, egileak ez baitzuen seinale argirik utzi, lanaren izaera erotikoagatik beharbada. Kontakizun honetan Roger deritzan gazte bat dugu protagonista, eta honen aurkikuntzak mintzagai. Ze deskubrimendu egiten du? Bizitzaren katramila eta misterio ezkutuei dagozkienak, sexu kontuak hain zuzen ere. Horretan laguntzaile; izeba, arrebak, neskameak... Lekua, berriz, uda pasarako gaztelu bat, bere eskailera, gela eta txoko guztiekin.