Bulego lanetan aspertutako gazte batek, halako batean Israeleko zerbitzu sekretuen txosten bat eskuratzen du, eta palestinarrei salduta dirutza ederra lortzeko ametsak egiten ditu. Gauzak ez dira hain errazak, ordea : gogorra da espioitzaren mundua, eta ustekabean arma-trafikoaren zirrikitu ilunetan ikusiko du bere burua. Hemen ere mila abentura eta gorabehera pasa beharko ditu, pasadizoz eta arriskuz betetako eleberri honetan. Josemari Velez de Mendizabalek bere etengabeko bidaiak eta nazioarteko merkataritzaren ezaguera egoki erabili ditu, lehenengo espioi nobela hau egiteko.