Egungo euskal literaturako joera nagusiarekin bat eginez orain arte poesia basterik egin ez zuen Leitzako idazlea nobela batekin datorkigu. Iñakik lehen idazlana, "Bertsoaren ezpata", 1979.ean argitaratu zuen. Liburu hartako poesia "epikoa" dela esan genezake, izan ere Herri honetako arazoei heltzen bait zien oso era berezi batetan, drama baten antzera. Bigarren liburua "Eskuaren fereka" izan zen. Hau garai desberdinetako poesien bilduma bat zen. Bigarren liburu hau 1982.ean argitaratu zuen. Duela hiru urte Ameriketara joan zitzaigun Iñaki eta han idatzi zuen esku artean duzun liburu hau eta honela protagonista New Yorken dabilen euskadun bat da.
Nobela "beltz" baten antza hartzen du eta erraz irakurtzekoa da. Idazkera oso atsegina da eta protagonisten bizitzak erraz bereganatzen du irakurlearen atentzioa.